Mbrojtja ndaj rrezeve të diellit është shumë e rëndësishme gjatë gjithë vitit, por gjatë verës bëhet më kritike. Është e domosdoshme të zgjedhësh kremin e duhur sipas tipit të lëkurës, por po aq e rëndësishme edhe të zgjedhësh ushqimet e duhura për këtë periudhë.

Po cilat janë ushqimet që të mbrojnë nga rrezet UV?

Vaji i ullirit: Vaji i ullirit është i pasur me vitaminë E, e cila siguron mbrojtje kundër stresit oksidues dhe është provuar se zvogëlon dëmtimin e lëkurës nga rrezatimi UVB. Kohët e fundit, shumë studime kanë dalë në konkuzionin se ka shumë rëndësi konsumi i vajit të ullirit në luftën kundër efekteve të dëmshme të diellit. Kështu që vaji i ullirit duhet përfshirë në të gjitha gatimet. Shto vaj ulliri të ftohtë në sallatë ose në perime të pjekura.

Arrat: Arrat janë të pasura me Omega-3, që gjithashtu siguron një mbrojtje të lartë kundër rrezeve të dëmshme të diellit dhe dëmtimit të lëkurës. Arrat ripërtërijnë shtresat e sipërme të lëkurës, por po ashtu ndihmojnë në luftën kundër rrezeve UV duke parandaluar qelizat e vdekura.

Molla: Mollët ​​kanë vlera të jashtëzakonshme kundër inflamacionit, stresit oksidativ, por edhe ndihmojnë sistemin imunitar. Mollët janë të pasura me antioksidantë, pastrojnë qelizat e vdekura nga lëkura dhe i japin asaj shkëlqim. Mjafton vetëm një mollë në ditë dhe lëkura do të ndryshojë pamje.

Brokoli: Ashtu si molla, brokoli është një tjetër kampion i polifenoleve, madje kryeson listën e perimeve për polifenolet. Brokoli siguron mbrojtje edhe kundër qelizave të kancerit. Nga një studim i fundit i kryer në Amerikë, u arrit në konkluzionin se brokoli aktivizon sistemin e mbrojtjes të lëkurës sonë ndaj ekspozimit të rrezeve UV.

Borziloku: Borziloku lehtëson tretjen, relakson trupin, pastron zorrët nga gazrat. Gjithashtu ndihmon në dhimbjet e kokës dhe mbron sytë duke filtruar rrezet UV në retinë. Është e pamundur të renditen të gjitha vlerat që ka borziloku në organizëm. Nga borziloku mund të bësh një çaj të ngrohtë para gjumit vetëm duke shtuar disa gjethe. Lëri 15 minuta gjethet brenda dhe pastaj pije. Po ashtu, shtoje borzilokun edhe në ushqimet me peshk apo edhe në ujë.

Uji: Pija e mrekullueshme që hidraton lëkurën është uji. Konsumi i 2 litrave deri në 2.5 litra ujë në ditë do të shpëtojë qelizat e lëkurës së vdekur dhe do të krijojë një ton të pastër të ngjyrës së lëkurës. Uji është si një shtresë e sipërme e lëkurës që e mbron atë nga rrezet e dëmshme të diellit.

Çaji i zi: Çaji jeshil dhe çaji i zi janë të pasur me antioksidantë që shërojnë lëkurën. Sipas një studimi të kohëve të fundit, çaji i zi në mënyrë të veçantë përmban nivele të larta të polifenolit dhe kështu mbron nga hiper-pigmentimi i diellit, që shkaktohet nga rrezet e diellit.

Published in MED+

Megjithëse jemi të sigurt se si të rritur që jeni, ju tashmë e dini mënyrën e saktë të larjes së dhëmbëve, prapë jeni të rrezikuar nga shumë faktorë të tjerë.

“Keni qindra bakterie në gojë”, thotë Julie Cho, dentist në New York. “Ato përdorin sheqerin si ushqim dhe prodhojnë acide që dëmtojnë smaltin tuaj.” Por lajmi i mirë është se pështyma juaj shërben si një larës natyral për të larguar shumicën e këtyre acideve përpara se të bëhen të rrezikshëm.

Në këtë mënyrë, Dr. Cho shpejgon se çdo veprim që mund të rrisë sasinë e sheqerit në gojë apo të thajë gojën, mund të jetë një demtues potencial për dhëmbët tuaj. Kjo ka të bëjë me atë që quhet frymëmarrje e keqe.

Dentistët tuaj mund t’ju ndihmojnë për të shmangur këto rreziqe dhe që buzëqeshja juaj të jetë perfekte. Ja këshillat e doktor Cho për të shmangur dëmtimin e dhëmbëve:

Stërvitja

Ka shumë mundësi që ndërsa jeni duke u stërvitur, merrni frymë me gojë. Ky sigurisht që nuk është një problem i madh, por nëse frymëmarrja juaj bashkohet me aciditetin apo sheqerant e një pijeje energjitike sportive që e pini gjatë stërvitjes, dhëmbët tuaj kanë më shumë mundësi që të dëmtohen.

Ajo që duhet të bëni është të pini pak ujë pas këtyre pijeve, në mënyrë që të largoni këto elementë nga dhëmbët. Gjithashtu, doktorët mendojnë se uji i rubinetit është më i mirë se ai në shishe pasi përmban flor, i cili ndihmon smaltin.

Gërhitja

Përveçse zgjon partnerin tuaj nga gjumi, gërhitja mund t’i bëjë dhëmbët tuaj më vurnerabël, sidomos nëse merrni frymë me gojë. Kjo ndodh sepse goja juaj thahet më shumë se sa duhet.

Jo çdo gërhitje është shenjë e problemeve me gjumin, por e mira është të bëni kontrolle. Gjithashtu, duke marrë gojën tuaj nën kontroll do të parandaloni edhe prishjen e dhëmbëve.

Por mos harroni edhe kërcëllitjen. Doktor Cho thotë se një burim tjetër i dëmtimit të dhëmbëve është shtrëngimi i tyre në mënyrë të pavullnetshme gjatë gjumit. Nëse zgjoheni me muskujt dhe gojës të lodhur, atëherë merrni një maskë të posaçme për dhëmbët që ta vini çdo darkë para se të flini.

Mjekimet

Ka me qindra mjekime që thajnë gojën duke shkaktuar prishjen e dhëmbëve. Në këtë grup përfshihen ilaçet kundër alergjisë, antidepresivët dhe qetësuesit e dhimbjeve. Ju duhet ta informoni denstistin tuaj mbi barnat që përdorni.

Uji me gaz

Ka disa kërkime që vërtetojnë se pirja e ujit me gaz mund të dëmtojë dhëmbët. Por, asgjë nuk është ende zyrtare, ndaj mos u shqetësoni.

“Nëse pini sasi të mëdha uji me gaz, ndoshta me kalimin e kohës dhëmbët tuaj mund të dëmtohen”, thotë doktor Cho. Ajo për të cilën njerëzit shqetësohen më shumë është përmbajtja e gazit karbonik në ujë.

Përgjithësisht, nuk duhet të shqetësoheni, sidomos nëse pini ujin me gaz si zëvendësues të një pijeje me sheqer. Por, nëse ju pini vetëm ujë me gaz, do të ishte ide e mirë që të filloni reduktimin e konsumit.

Akulli

“Gjithmonë sugjeroj ndalimin e tij. Është e qartë, e megjithatë njerëzit vazhdojnë të hanë akull”, thotë doktor Cho. Ngrënia e akullit, ëmbëlsirave të forta apo çfarëdo ushqimi të ngjashëm mund të dëmtojë e madje mund t’i thyejë dhëmbët tuaj. Prandaj, kujdesuni seriozisht për t’i shmangur.

Piercing në gjuhë

Mund të duket interesant, por është një lajm i keq për dhëmbët tuaj. “Keni një trup të huaj brenda gojës”, shpjegon Dr. Cho duke thënë se kjo mund t’i thyejë dhëmbët nëse nuk jeni të kujdesshëm. Më shumë e rezikshme është kur piercing-u ndodhet në majë të gjuhës. Është shumë e lehtë që gjatë stërvitjes, kur nuk e keni mendjen, të kafshoni piercing-un tuaj duke thyer dhëmbin.

Acidi i stomakut

Nëse nuk e trajtoni, kjo do të thotë se acidi i stomakut vjen ngjitet nëpërmjet ezofagut duke kërcënuar seriozisht gojën tuaj. Pasojat e kësaj janë aq të dukshme, sa që një dentist mund ta kuptojë menjëherë, edhe pse ai do t’ju dërgojë të bëni kontrollin e stomakut. Një shenjë për ta kuptuar këtë është kur dhëmbët tuaj bëhen shumë të ndjeshëm ndaj ajrit dhe ushqimeve të ftohta.

Published in MED+

Cikli menstrual është një funksion shumë i rëndësishëm i organizmit femëror. Edhe pse mund t'ju krijojë disa shqetësime në ditët e tij të para, prania e ciklit të rregullt është një prej shenjavë më të dukshme të një shëndeti të mirë.

Dhimbjet e barkut, shpinës, ndryshimet e humorit, fryrja e gjoksit, ankthi dhe dëshira e pakontrolluar për të ngrënë çdo gjë që ju del përpara janë disa prej simptomave me të cilat përballet çdo femër gjatë kësaj periudhe. Ndoshta e keni vënë re, por nuk i keni kushtuar rëndësinë e duhur, por gjatë atyre ditëve rritet edhe nevoja për të shkuar shumë më shpesh në banjo.

Por e keni pyetur veten përse? Fajin për këtë e kanë dy hormone, progesteroni dhe prostaglandina. Si pasojë e kontraktimit të mitrës gjatë kësaj periudhe, ulen nivelet e këtyre dy hormoneve dhe si pasojë keni diarre dhe jashtëqitje të shpeshtë. Herën tjetër që do të mbylleni për minuta të tëra në tualet, mos u shqetësoni thjesht hormonet tuaja nuk janë në ditët e tyre më të mira.

Published in MED+

Stomaku reagon në mënyra të ndryshme ndaj ushqimeve të caktuara kur ai është bosh. Disa ushqime të shëndetshme nuk mund të hahen në këtë rast. Ato mund të shkaktojnë diarre, dhimbje stomaku dhe shqetësime të tjera.
Mësoni se cilat ushqime duhet dhe nuk duhet të hani me stomakun bosh:

1. Hani vezë
Stutimet tregojnë se ngrënia e vezës në mëngjes redukton kaloritë. Mund t’i hani të skuqura ose të ziera.

2. Shmangni domatet
Ngrënia e domateve me stomakun bosh rrit aciditetin e tij dhe shkakton ulçerën.

3.Hani tërshërë
Tërshëra është përbërësi perfekt për mëngjes, i cili mbron murin e stomakut nga aciditeti.

4. Shmangni kafen
Pirja e kafesë apo çjajit me stomakun bosh mund të shkaktojë përzierje. Gjithashtu, ajo mund të nxisë aciditetin e lartë të stomakut.

5. Hani shalqi
Shalqiri përmban shumë ujë dhe është një hidratues perfekt. Ai përmban likopene që janë të mira për zemrën, lëkurën dhe gjakun.

6. Shmangni qitron (fruta të ngjashëm me të)
Portokalli, limoni dhe qitro mund të shkaktojnë shumë probleme te njerëzit me inflamacion të ulët në ezofag.

7. Hani boronicat
Boronicat janë të mrekullueshme për mëngjes. Ata nxisin funksionimin e metabolizmit, rregullojnë presionin e gjakut dhe përmirsojnë kujtesën.

8. Shmangni pijet me sheqer
Pijet me sheqer, përfshirë lëngjet nxisin dëshirën për të ngrënë.

9. Hani arra
Arrat ulin rriskun e shfaqjes së ulçerës sepse normalizojnë nivelin e pH në stomak.

10. Shmangni kosin
Kosi përmban shumë acid dhe i bën shumë keq stomakut nëse e përdorni në mëngjes.

Published in MED+

Deti përveç kënaqësisë dhe ndjesisë së lirisë së pakufishme na ofron një sërë përfitimesh shëndetësore. Deti na ofron shumë minerale të dobishme për organizmin tonë. Veç me një zhytje në det i garantojmë të mira trupit dhe mendjes.
Ja përfitimet që marrim nga koha e kaluar në det:

Minerale ne ujin e detit
Në det mund të gjejmë nga një dallge tek tjetra rreth 92 minerale, sigurisht është vështirë t’ua kujtosh të gjithëve emrat, por më të njohurit dhe në vend të parë është jodi, përveç këtij minerali gjendet dhe magnezi, potasi, të duhura për organizmin tonë në shumë aspekte.

Stres dhe qarkullim
Ky përqendrim me kripëra minerale na lejon ti japim organizmit një mundësi për të larguar stresin, për me tepër favorizon edhe qarkullimin. Për të përfituar nga kjo e mirë, janë shumë të mira ecjet me këmbët në ujë deri tek kaviljet ose deri në bel.

Lëkura
Pas një zhytjeje lëkura duket tonike dhe shkëlqyeshme, më e lëmuar dhe e “pastër” nga qelizat e vdekura, si një lëkurë natyrale, që uji i detit arrin të kryejë në mënyrën më të thjeshtë dhe efikase. Jodi pastron lëkurën me një aksion dezinfektues dhe antiseptik. Nga pikëpamja dermatologjike është e njohur se ato që vuajnë nga aknet, puçrrat dhe plagë apo shenja, fal ujit te detit mund te ketë rezultate te shkëlqyera. Filmi hidrolipidik epitelial merr nga jodi i ujit te detit një veprim parandalues, për këtë arsye dhe lëkura shfaqet me e bukur. Për dermatitet atopike, e përhapur mes te rriturve dhe te vegjëlve, një zhytje ne det si dhe shëtitjet ne breg janë me te vërtet shume te shëndetshme, aq sa është bere dhe filozofi ne disa qendra SPA ne disa prej qyteteve me te mëdha te botes.

Celuliti
Jodi është në gjendje të luaj një aksion, përveç se sipërfaqësor edhe shumë më të thelle, ja perse të bësh një zhytje në det ndihmon edhe organet e brendshme. Celulitit edematoz është një nder ato situata të cilat mund të kurohen apo të ndihmohen edhe thjesht duke notuar ne det.

Kilet e tepërta
Duke notuar në det muskujt tonifikohen dhe si pasojë humbisni kilet e tepërta, sigurisht duke ndjekur një diete të përshtatshme dhe të pasur me fruta dhe perime. Metabolizmi në fakt stimulohet nga mikroelement detar si jodi, në gjendje për të shpejtuar metabolizmin dhe të favorizojë humbjen në peshë.

Published in MED+

Lëkura ndonjëherë mund të jetë shumë kritike, jo vetëm për mirëqënien tonë fizike, por edhe emocionale poashtu. Kujdesi ndaj lëkurës për secilën femër është thellësisht personal, dhe kjo është ndoshta arsyeja pse shumica ngurrojnë për të shkuar në dermatolog, por kërkojnë tretmane tjera vetvetiu.

Sipas dermatologes Dendy Engelman, klientela e saj e të rinjve dëshirojnë të duken sa më të reja duke u shtyrë nga mediat sociale deri në arritjen e efektit Kardashian. Por, kur ju keni avantazhin e të qenurit e re, çfarë saktësisht duhet të bëni? Rezulton se duhet bërë shumë. Këtu, kemi 5 mënyra se si një dermatolog mund të ju ndihmojë në të njëzetat tuaja.

Krijoni një rutinë të mirë për kujdesin e lëkurës

Gjëja e parë sipas Engelman është të krijoni një rutinë të mirë për kujdesin e lëkurës suaj. Për shembull mund të aplikoni ndonjë eksfoliant për qarkullimin e qelizave të lëkurës dhe të shtoni ndonjë serum të pasur me antioksidant për të luftuar stresin e shkaktuar. Si fillim këto janë gjëra të rëndësishme.

Ndaloni paraqitjen e akneve

Kjo është me të vërtetë një përvojë e keqe kur aknet nuk ju hiqen edhe më vonë pas adoleshencës, dhe kjo godet shumicën e femrave. Por, mund të ketë zgjidhje, një trajtim emergjent me kortizon, sipas dermatologes mbetet një zgjidhje për të pakësuar aknet, veçanërisht ato të irrituara apo në formë të shenjave të kuqe. Një lëkurë kronike, e cila mund të jetë si rezultat gjenetik apo si pasojë e udhëtimeve të shpeshta, mund të kërkoj një trajtim. Mendoni për receta të ndryshme apo xhel ditor si Aczone, i cili vepron si një preparat mjekësor, zbut lëkurësn, pastron poret dhe vepron si trajtues me lazer sikur Isolaz.

Përcaktoni planin tuaj për anti-plakje

Meqenëse lëkura juaj është aq personale, është paksa e vështirë të përcaktohet në mënyrë të drejtë gjendja e saj e saktë. Në të njëzetat e vona dhe të tridhjetat e hershme, Engelman thekson se paraqiten linjat e para të rrudhave. Një seri e nxitjes me kolagjen mund të jetë një masë parandaluese, dhe mund të vazhdoni planin afatgjatë me retinoide, mikrodermoabrazion, si dhe pastrim të thellë në bazë të rregullt. Pra, këtu përmbajtja është thelbësore, dhe të kesh një mjek të besueshëm në krahun tuaj është diçka vërtetë e çmueshme. Ekziston një linjë mjaft e hollë në mes anti-plakjes dhe të dukeni më të vjetër se sa mosha që keni. Në fakt, thekson Engelman, se iu flet shumë vajzave që mos të bëjnë gjëra vetëm pse shohin femra tjera duke i praktikuar të njejtat.

Trajtoni flokët e holla

Siç rezulton, dermatologu juaj përpiqet të ju tregojë në lidhje me çështjet e flokëve që mund të dobësohen me kalimin e moshës apo ndryshimeve hormonale. Kështu, dermatologu mund të shikojë nga afër gjendjen e kokës, të diagnostikojë problemin si dhe të përshkruajë pilula për trajtimin e tyre si Minoxidil, acide yndyrore omega-3 apo edhe trajtim laserik, duke rikthyer kështu flokët në gjendje të shëndetshme dhe rinore.

Personalizoni strategjinë e aplikimit të kremit me faktor mbrojtës

Një dermatolog gjithmonë do të nënvizojë rëndësinë e përdorimit të një kremi të mirë me faktor mbrojtës – SPF 30, plus me mbrojtje në spektër më të gjerë. Për më tepër, një kontroll i rregullt i lëkurës mund të skanojë çfarëdolloj dëmtimi nga dielli – për të mos përmendur kanceret e lëkurës, të cilët mund të dalin në sipërfaqe aq shpejt në të njëzetat e juaja dhe të lë pasoja delikate.

Published in MED+

Studimet thonë se këmbët e dobëta mund të rrezikojnë vdekjen deri në 300 për qind. Njerëzit me metabolizëm shumë të dobët, por me peshë normale, mund të kenë shanse më të mëdha, deri në 300 për qind, vdekshmërie. Ky rezultat që vjen nga studimet e fundit është në kontrast me njerëzit obezë, të cilët, me gjithë përmasat e mëdha të trupit, janë metabolikisht të shëndetshëm.

“Nëse keni një trup me forma normale, por me këmbë më të holla, mund të jeni trefish të rrezikuar ndaj sëmundjeve kardiometabolike, siç është diabeti i tipit 2 ose sëmundje të tjera kardiovaskulare”, thotë një studim i fundit në Gjermani. “Njerëzit e varfër, të cilët janë metabolikisht të sëmurë, por kanë peshë normale, mund të kenë shanse deri në 300 për qind më të mëdha vdekshmërie”,- thotë Norbert Stefan, profesor në Universitetin e Tubingenit në Gjermani.

Dhe për këtë grup, rreziku nga vdekshmëria, me të gjitha shkaqet që mund ta sjellin, është 25 për qind më i lartë se ai i njerëzve të shëndetshëm, shton Stefan. Rezultatet treguan se në mesin e njerëzve të dobët, këmbët e holla mund të jenë shkak shumë i fortë i shëndetit metabolik, ndërsa për njerëzit mbipeshë, rreziqet më të mëdha të vdekshmërisë i shfaqin nivelet e yndyrës në bark dhe sëmundjet e mëlçisë (edhe këto për shkak të yndyrës). Këto çojnë në sëmundje kardiometabolike, siç është diabeti tip 2 apo sëmundje të tjera kardiovaskulare.

Published in MED+

Ne jemi rritur me idenë që shtëpia jonë është një vend i sigurtë. Por studimet e kohëve të fundit kanë vërtetuar që shtëpitë moderne nuk janë aq të sigurta sepse ato fshehin substanca të cilat mund të dëmtojnë shëndetin.

Ne kemi diskutuar shpesh për materialet që përdoren në ndërtimin e banesave, por këto substanca gjenden dhe në artikujt për përdorim të përditshëm si boja, parfumet, shampot etj. Kini kujdes nga artikujt e mëposhtëm sepse shkaktojnë probleme shëndetësore. Largohuni prej këtyre produkteve që shkaktojnë kancer dhe krijoni një ambjent të shëndetshëm për ju dhe familjen tuaj.

Freskuesit e ajrit
Shumica e freskueseve të ajrit janë të ngarkuara me komponentë të rrezikshëm organik, substanca toksike.
Për këtë është bërë një studim nga Këshilli i Mbrojtjes së Burimeve Natyrore ku nga 13 freskuese që u morën për testim, shumica prej tyre përmbanin kimikate që shkaktojnë astmën dhe ndikojnë në procesin e riprodhimit.
Në vitin 2008, Anne Steinemann në Universitetin e Uashingtonit zhvilloi një studim dhe doli në përfundimin se freskuesit e ajrit që ajo testoi ishin me kimikate toksike, të rrezikshme dhe kancerogjene. Megjithatë, asnjë nga kimikatet nuk është e shënuar në etiketat e produktit ose në fletën e të dhënave të sigurisë materiale.

Qirinjtë aromatik
Një studim i Komisionit Amerikan të Sigurisë së Produkteve të Konsumatorit tregoi se 40 % e qirinjve të shitur përmbanin tela në brendësi. Prodhuesit shtojnë elementin e plumbit për të bërë të qëndrueshëm fortësinë. Ekspozimi ndaj sasive të mëdha të plumbit çon në probleme të hormoneve, paaftësi në të mësuar dhe probleme të tjera shëndetësore.

Artikujt si bojërat akrilike, adeziv etj
Këta artikuj janë me kimikate dhe shkaktojnë alergji, dëmtime të organeve dhe kancer.Fëmijët veçanërisht janë të ndjeshëm ndaj toksinave për shkak të metabolizmit të tyre. Zgjidhni atë produkt më pak të dëmshëm sepse fëmijët kanë sistem imunitar të dobët.

Shampot
Ju mund të habiteni, por shampot tradicionale janë me toksina. Megjithatë, efekti i tyre po testohet dhe shkencëtarët nuk mund të konfirmojnë plotësisht se mund të shkaktojnë kancer.

Antidjersa
Deodorantët zakonisht përmbajnë përbërës që mund të shkaktojnë kancer. Këto produkte mbeten në trupin tonë për orë të tëra, gjë që rrit futjen e kimikateve përmes lëkurës. Shmangni produktet e rrezikshme dhe përdorni metoda alternative që janë natyrore.

Perdet e dushit
Perde plastike të dushit lëshojnë substanca të rrezikshme të quajtura kimikate organike të paqëndrueshme.
Mos i përdorni këto produkte dhe shtëpia juaj do të jetë një vend më i mirë dhe i sigurt për të jetuar.

Published in MED+

Ëndrra juaj është që të keni një bark të sheshtë? Një dëshirë që kërkon vetëm tri fjalë kyçe: këmbëngulje, aktivitet fizik dhe ushqim të shëndetshëm. Nuk mjaftojnë disa ditë apo një muaj. Do të duheshin javë të tëra për t’ia dalë të ulni peshën për të arritur në masën më të vogël.

Pesha është para së gjithash një faktor kyç për shëndetin. Nuk duhet të harrojmë se të pasurit “bark” përbën një rrezik të madh për sëmundjet kardiovaskulare. Dhe, për ta arritur këtë, duhet të përmirësojmë dietën tonë.

SOT E DIMË FARE MIRË SE CILËT JANË USHQYESIT IDEALË PËR TRYEZËN E MBRËMJES, KUSH DO TË KETË BARK TË SHESHTË.

1.Thuajini PO perimeve me gjethe të gjelbër. Më të mirat janë: lakra, spinaqi dhe marule. Nëse ndjeni se keni shqetësime në tretje, provoni t’i gatuani në avull.

2.Mos hiqni kurrë dorë nga vaji i ullirit. Acidet yndyrore, mes të cilave acidi oleik, favorizon në djegien e yndyrnave në pikat më rezistente të dietës.

3.Përpara se të shkoni në shtrat, përgatitni një çaj të mirë me ekstrakt menteje. Ajo ndihmon në pastrimin e organizimit, një antiinflamatore e fuqishme.

4.Nëse nuk keni dëgjuar ende për algat kelp, është momenti i duhur. Vlerësohen për përmbajtjen e jodit dhe aftësinë për të rregulluar shkallën metabolike, djeg shpejt yndyrnat trupore. Gjithaq janë të pasura me vitamina, ideali për djegien e dhjamit të barkut dhe ruajtjen e nivelit të ujit në trup.

5.Asparagët e egër apo ata klasikë janë të pasur me vitamina A, B, C dhe E, dhe me minerale si zinku dhe kalium, të gjitha substanca të domosdoshme për eliminimin e lëngjeve të tepërta nga trupi.

domate6.Domatet nuk janë vetëm të shijshme, por edhe përbërësi kryesor për një darkë të shëndetshme, kur kombinohen me pak proteina. Ato janë plot me antioksidantë dhe e bëjnë më të lehtë humbjen në peshë për shumë arsye: luftojnë ënjtjen dhe ruajnë nivelet e ujit. Ndërveprojnë me leptinën, një hormon i lidhur me stimulimin e oreksit, balancon metabolizmin dhe jep ndjesinë e ngopjes.

7.Shalqiri përveçse përmban ujë dhe është i pasur me kalium, një kripë minerale, esenciale në funksionin e eliminimit të lëngjeve të tepërta nga indet. Gjithaq është i pasur me Vitaminë C, e cila ndihmon sistemin imunitar të luftojë inflamacionit.

8.Kastravecët i përkasin të njëjtës familjeje si shalqiri, prandaj kanë të njëjtat veti dobësimi. Kanë veti ngopjeje, diuretike dhe vitaminike. I prerë në feta të holla dhe i shoqëruar me pak uthull molle është një meze e shkëlqyer për darkë.

carciofi9.Karçofët janë një ushqyes i mrekullueshëm, perfekt për t’u konsumuar në darkë. Janë të pasur me fibra, luftojnë ënjtjen e barkut, kanë pak kalori, janë ushqyes, të tretshëm dhe mbi të gjitha tejet të shijshëm./psikologji/

Published in MED+

Surfing, hiking, plazh…mos harroni të qëndroni të hidratuar gjatë gjithë ditës.

Pse hidratimi është i rëndësishëm?

Trupat tanë kanë nevojë për një sasi të caktuar të ujit për të punuar normalisht.

Uji transporton lëndë ushqyese dhe oksigjen në qeliza dhe ndihmon trupin të absorbojë mineralet dhe lëndët ushqyese. Ai gjithashtu mbështet shumë nga proceset e trupit, duke përfshirë metabolizmin.

Sa ujë duhet të pi?

Nuk ka rregull të artë që thotë se sa duhet të pini çdo ditë. Sa ujë pin një person gjithashtu varet nga individi.

Si ta kuptoj që jam hidratuar?

Kontrolloni urinën tuaj. Nëse është e qartë ose e zbehtë, atëherë jeni në rrugën e duhur. Nëse është më e errët, vazhdoni të pini më shumë ujë.

Disa këshilla për të siguruar hidratim të mirë:

Mbajeni shishen tuaj të ujit me vete, kështu mund ta mbushni atë sa herë që të jetë e mundur.
Filloni të pini ujë edhe para se të keni etje.
Hidratohuni para, gjatë dhe pas ushtrimit ose kalimit të kohës në plazh.
Shmangni pijet që përmbajnë kafeinë si kafe, çaj i ftohtë, të cilat kanë tendencë për të tërhequr ujë nga trupi dhe t’ju dehidratojnë.
Provoni ujin me një fetë me kastravec, limon ose nenexhik, por jo rregullisht sepse prish smaltin e dhëmbëve.

Published in MED+
radio TV

Facebook

LIKE Shqip Top 10

poll