Lulzim Basha vendosi të largojë të ashtuquajturën “garda e vjetër”, e pjesë e listave për deputet në zgjedhjet e 25 qershorit u bënë shumë të rinj. Një prej tyre është dhe Klevis Balliu, i cili në fillim të shtatorit do të bëjë betimin në parlament. Në një intervistë për IN Tv Klevis Balliu flet për situatën e brendshme në partinë demokratike por dhe mundësinë e bashkëpunimeve me forcat e tjera opozitare. Duke theksuar se duhet një analizë e thellë e humbjes në zgjedhjet e përgjithshme të 25 qershorit Balliu thotë se shkaqet e humbjes janë disa, por e vë theksin tek vjedhja e votës nga qeveria Rama.
Përballja politike me Edi Ramën ka nevojë për bashkëpunimin e të gjitha forcave politike në opozitë, ndaj Balliu thotë se PD është e prirur të bashkëpunojë edhe me Lëvizjen Socialiste për Integrim.
Situata e brendshme në selinë blu është e tensionuar pas mospërfshirjes në lista të disa figurave kryesore të saj, por Klevis Balliu ka një mesazh për ta.
Klevis Balliu:
“PD derën e ka të hapur, por të respektohet linja e partisë”.
Klevis balliu është një nga deputetët me moshë të re në parlament, por si e pret ai uljen në një rresht me deputetë që kanë bërë histori në vend, siç është Sali Berisha.

Published in INNEWS
Thursday, 10 August 2017 13:44

Basha thyen heshtjen 10 ditore

Kreu i Partisë Demokratike Lulzim Basha pas 10 ditësh në heshtje publike ka zgjedhur të postojë këtë të enjte një status në facebook. Kreu i demokratëve ia kushtoi statusin e tij shkrimtarit Havzi Nela, i cili 29 vite më parë u ekzekutua nga regjimi komunist. Basha thotë se vrasja e Havzi Nela rëndon ende mbi ndërgjegjen e atyre që ende nuk i kanë dënuar krimet e komunizmit.
Lulzim Basha:
“Sot 29 vjet më parë, kur Europa kishte nisur të çlirohej nga robëria komuniste dhe perdja e hekurt e izolimit po binte kudo, regjimi gjakatar shqiptar vrau Havzi Nelën, poetin që guxoi t’i thurte vargje lirisë. Jetën e poetit nuk e kursyen as intelektualët e regjimit të cilët me zellin e shërbëtorit u bënë edhe më mizorë se xhelatët të cilëve u shërbenin.
Poeti, mësuesi, njeriu i lirë dhe shpirti i pathyeshëm, Havzi Nela e sfidoi diktaturën dhe ngriti zërin kundër çdo krimi të saj: kundër shkatërrimit të pronës private, kundër kolektivizimit, kundër ndalimit të besimit në Zot, kundër mungesës së shtypit të lirë, kundër ndalimit të fjalës së lirë, kundër shtypjes dhe robërimit të një populli të tërë. Për 21 vjet rresht e torturuan, e burgosën, e internuan, por nuk e mposhtën dot. Edhe nga qelitë e burgut ai nuk rreshti duke i thurur himne lirisë, duke i bërë thirrje “të shtypunit çou” e duke shpresuar që Fryma e Helsinkit do “dergjej porsi era” kundër kështjellave feudale.
Kur nuk e thyen dot, xhelatët mizorë e vranë, por ai ngadhnjeu mbi vdekjen si martir i lirisë.
Havzi Nela rëndon ende mbi ndërgjegjen e atyre që ende nuk i kanë dënuar krimet e komunizmit dhe xhelatët e tij dhe të mijra shqiptarëve të pafajshëm. Por sot Havzi Nela është edhe një thirrje për shoqërinë tonë, një paralajmërim për të keqen që e pret një vend dhe një popull ku vdes fjala e lirë dhe media e lirë”.

Published in INNEWS

Edi Rama paralajmëroi aksion kombëtar kundër “të fortëve”, por kjo ka sjellë reagimin e menjëhershëm të kundërshtarit të tij politik Lulzim Basha. Nëpërmjet një statusi në facebook, kreu i PD thotë se aksioni i qeverisë në fakt ka si objektiv të varfrit dhe jo trafikantët e vërtetë.
Lulzim Basha:”
Me seriozitetin tragjiko-komik që e ka pushtuar, Edi Rama shpalli sot para botës një tjetër betejë historike: luftën heroike kundër kanabisit dhe grupeve kriminale të lidhura me drogën. Por, tashmë, dihet se herozimi i vetëm i Ramës është të arrestojë keqbërësit e vegjël, ata që nuk janë aq të mëdhenj sa të kenë lidhje me pushtetin.
Koka e kthimit të Shqipërisë në plantacion kanabisi është Sajmir Tahiri, aq sa edhe partnerët e huaj i vunë ultimatumin Ramës për largimin e tij,si kurrë ndonjëherë. Por ata që presin që aksioni i Ramës të prekë Tahirin do të zhgënjehen. Trafikanti ndoshta më i madh i drogës në Shqipëri është Klement Balili, të cilin e Edi Rama e la të lirë edhe pse e kërkonte qeveria e SHBA-ve, sepse po të fliste Balili rrëzohej gjysma e ministrave. Prandaj, ata që presin që me aksionin e tij Rama të arrestojë Balilin do të zhgënjehen. Një nga trafikantët më të kërkuar të drogës në Evropë është vëllai i Fatmir Xhafës, por ata që presin që aksioni i Ramës ta arrestojë atë do të zhgënjehen, gjithashtu.
Aksioni i Edi Ramës do të arrestojë ca fshatarë të varfër dhe ca kriminelë të vegjël. Kriminelët e vërtetë do të qeverisin vendin së bashku me Ramën. Derisa populli t’i largojë”.

Published in INNEWS

Grupimi anti Basha lëvizjen e radhës ka vendosur ta realizojë në shtator, duke bërë një pushim të shkurtër në aksionin e saj për demokratizimin e brendshëm të partisë. Pas rizgjedhjes në krye të PD të Lulzim Bashës, grupimi e konsideron të domosdoshme ndryshimet statusore.
Grupimi anti Basha:
“Për këtë ne do të punojmë si një lëvizje e strukturuar brenda partisë me një platformë të qartë politike dhe në muajin shtator do të paraqesim një projekt-statut të ri për t'u vendosur më pas nga Kongresi i Jashtëzakonshëm i Partisë Demokratike jo më vonë se fundi i vjeshtës së këtij viti”.
Por pikat kryesore për ndryshimet statusore të propozuar nga grupi anti Basha kanë të bëjnë pikërisht me mandatin e kryetarit në rast se ai humbet zgjedhjet.
Grupimi anti Basha:
“Në rast të humbjes së zgjedhjeve parlamentare kryetari i PD-së të japë dorëheqjen e menjëhershme;
Në rast të humbjes së dy palëve zgjedhjeve, kryetari i Partisë Demokratike të japë dorëheqje të parevokueshme.
Në rast se Partia humbet në zgjedhjet e përgjithshme kombëtare më tepër se herën paraardhëse, kryetari i saj të japë dorëheqje të parevokueshme”.

Published in INNEWS

Në ditën kur Lulzim basha mblodhi grupin e ri parlamentar të PD, ka reaguar ashpër ish kryeparlamentarja Jozefina Topalli. Nëpërmjet një statusi në facebook Topalli thotë se Basha zhvilloj mbledhjen me klientët e familjes.
Jozefina Topalli:
“Moj kohë , rend me shpejt se tmerri im."
Sot kur ,KQZ miratoi me 7:0 rezultatin përfundimtar të 25 qershorit , ku e majta ka më shumë se 2 fishin e votave të Listës Basha, për ta fshehur këtë...
Kryetari i delegjitimuar nga 22 Korriku dhe i shkarkuar me humbjen katastrofale të 25 Qershorit, nuk din as të fshehë më urrejtjen e egër të tij ndaj grupit parlamentar, grup që bëri opozitën më të fortë kundra krimit në Parlament e luftën më të fuqishme kundra drogës si politike shtetërore të Edi Ramës .
Urrejtja kundra grupit të deputetëve, që bojkotoi një vit Kuvendin në një sakrificë gati unike , është e vetmja gjë e pa kamufluar nga Lulzim Basha, që thotë se s’ka flirtim me Edi Ramën .. por është në qeveri me të.
Ai sot, 4 ditë pas vetëshkrirjes , duke rendur kundër arsyes, në kundërshtim me Kushtetutën, në dhunim të çdo norme morale dhe etike, jo vetëm që nuk e njeh më as ligjërisht grupin parlamentar të PD, por në një gjest të paprecedent, nuk i durohet të presë edhe një muaj, siç e do rasti e rregulli, kur mbaron mandati i legjislaturës aktuale.
Ky që nuk mblidhte grupin parlamentar kur e detyronte statuti, kur e kërkonte koha dhe deputetët që thirrnin me shqetësim që të mos çonte PD drejt greminës (siç ndodhi në fakt siç e paralajmëruam) , sot mbledh listën e tij klienteliste familjare me shpresë se pas kësaj do shpëtojë nga ankthi i manipulimit dhe falsifikimit të pjesëmarrjes të 22 Korrikut dhe rezultatit katastrofal me minus 230 mije vota te 25 Qershorit.
Krejt si Makbethi , kur flet me vete e pëshpërit:
“Moj kohe, rend me shpejt se tmerri im”.

Published in INNEWS

Lulzim Basha ka mbledhur grupin e ri parlamentar të Partisë Demokratike, të dalë nga zgjedhjet e 25 qershorit. Vetëm 3 ditë pasi mori besimin e demokratëve për një mandat të dytë në krye të selisë blu Lulzim Basha ka njohur deputetët me aksionin e ri opozitar. Në këtë mbledhje grupi parlamentar demokrat ka marrë një garanci të fortë nga Lulzim Basha, kur tha se nuk ka asnjë flirt me Edi Ramën, me të cilin firmosi marrëveshje më 18 maji.
Lulzim Basha:
“PD bëhet gati për një opozitë të fortë pa kompromis dhe ballore me Edi Ramën dhe qeverinë e tij, me të cilën nuk na bashkon asgjë, as vizioni dhe as vlerat tona”.

Basha bëri publike dy frontet e opozitare që do të ndjekë e djathtë në 4 vjeçarin e dytë të saj si opozitë, tur takimesh në mbarë vendin si dhe denoncim i çdo rasti.
Lulzim Basha:
“Porosia ime kryesore për deputetët, kontakt i vazhdueshëm me ta. Vazhdon me denoncimin, është një detyrë akoma më e rëndësishme në kushtet kur pavarësisht prej punës suaj si gazetarë kapja e mediave e bën denoncimin e problemeve gjithmonë e më të vështirë”.
Ndërkohë në prononcimin e tij për mediat menjëherë pas mbledhjes së grupit, Basha i lëshoj në sinjal të fortë edhe dy partive të tjera opozitare LSI-së e PDIU-së
Lulzim Basha:
“Me opozitën e vërtetë siç ka qenë dhe është PD në të cilën mirëpresim këdo që është gati të bëjë opozitë por jo pazar-opozitë. Këdo që është gati të bëjë opozitë dhe jo pazar opozitë. Opozita është e plotë dhe jo me kohë të pjesshme, është e pandarë ndaj pushtetit, nuk është diku opozitë dhe diku pazar. Ftesa është për këdo që është gati të bëjë opozitën që ka kaq shumë nevojë ky vend”.
Por çfarë do të ndodhë me ministrat teknik të PD, Lulzim basha ka këtë përgjigje.
Lulzim Basha:
“Ministrat teknikë janë duke përpiluar raportet. Menjëherë pasi të përfundojnë këto raporte ata do të japin dorëheqjen”.

Published in INNEWS

Vetëm dy ditë pasi u rikonfirmua në krye të selise blu Lulzim Basha ka thërritur mbledhjen e grupit të ri parlamentar. Kjo do të jetë dhe mbledhja e parë e deputetëve të opozitës, pas zgjedhjeve të 25 qershorit, ku opozita humbi thelë zgjedhjet e përgjithshme. Por kjo mbledhje do të zhvillohet edhe pa zërat kundër të Lulzim bashës.

Published in INNEWS

Emri i tij është lidhur gjithnjë me liderin historik të PD Sali Berisha. Në fakt lidhja e tij është përdorur vazhdimisht për të sulmuar Sali Berishën, por është hera e parë që biznesmeni i njohur flet publikisht për Partinë Demokratike. Reagimi i tij është lidhur me zgjedhjet e brendshme në selinë blu, e me fitoren e një mandati të dytë të Lulzim Bashën për drejtimin e partisë për një mandat të dytë.
Fazlliç shpërndan lajmin për fitoren e Lulzim Bashës me 90% të votave nga demokratët dhe ndërkohë bën një krahasim therës me “Forrest Gump”, një personazh kinematografik që frymëzon me optimizmin e tij fëminor, i ngadaltë, që kurrë s'e ka parë veten e tij si humbës.
Damir Fazlliç:
“U prehtë në paqe Partia Demokratike. Forrest Gump fiton, stil i Koresë së Veriut. RIP partia më e madhe në historinë shqiptare ...”.

 

fazllic.png

Published in INNEWS

Astrit Patozi, një nga zërat më të fortë kundër Lulzim Bashës dhe zgjedhjeve në parti ka reaguar ashpër në facebook thotë se ka prova se zgjedhjet e e lidershipit të ri në selinë blu janë manipuluar. Patozi flet për prova të këtij manipulimi, ndërsa thotë se do ti bëjë publike në ditët në vijim.
Astrit Patozi:
“Ka shumë prova që dëshmojnë manipulimin masiv me votat e demokratëve më 22 korrik. Me siguri që ditët në vazhdim do të sjellin dëshmi të reja, sepse përmasat e fenomenit dhe arroganca e të porositurve për ta çuar në vend urdhërin ka qenë ekstreme. Tashmë është e qartë për të gjithë se mirë që nuk kishte garë, por edhe vetë farsa u manipulua”.
Nëpërmjet një shkrimi të gjatë në rrjetin social facebook me titull “edhe vetë farsa u manipulua. demokratët duhet të vendosin fatin e PD”, Patozi ka këtë paralajmërim për lulzim Bashën.
Astrit Patozi:
“Ne nuk do t'i marrim kujt leje për të shkuar në shtëpinë tonë dhe do të hyjmë pa trokitur gjithmonë atje edhe sikur derën ta gjejmë të mbyllur. Partia Demokratike është aset kombëtar, por ajo në radhë të parë është pasuria e mijëra demokratëve, të cilët janë edhe aksionerët e ligjshëm të saj. Ata dhe vetëm ata do t'i dalin zot investimit të tyre për të caktuar se kush dhe si do t'i udhëheqë në të ardhmen, në mënyrë që shumë shpejt të përballemi dhe ta mundim kundështarin tonë politik”.

Published in INNEWS

Selami, pasi pësoi një disfatë të thellë me një disavantazh të madh votash, me shumë qytetari uroi kundërshtarin për për fitoren, ndësa shtoi se pranon rezultatin e zgjedhjeve.Ai tha se kishte telefonuar Bashën, duke i shprehur urimet e tij.

“Jam një hap para forcimit të PD. Më lejoni të falënderoj të gjithë ta që votuan në këto zgjedhje, që u morën me zgjedhjet, që u morën me vizionin tonë.

Kjo është demokracia dhe ka një votim. E kam telefonuar zotin Basha sot dhe i urove fitoren. Jam gati për bashkëpunim”,- tha ai.

Published in INNEWS
radio TV

Facebook

LIKE Shqip Top 10

poll