Një barazim pa gola në “Selman Stërmasi” në një atmosferë aspak të këndshme, ku mungonte shumë gjallëria e tifozëve në fushë.
Dukej më së shumti një lojë taktike dhe strategjie midis dy skuadrave kryesuese dhe mungonte ritmi në lojë. Alban Hoxha u kthye në një faktor për “Demat e Kuq” duke pritur dy gola të sigurte nga sulmuesit Et’hemi dhe Melo të Kukësit.
Në këtë barazim, Partizani vazhdon të ruajë kreun me 5 pikë diferencë ndaj vendit të dytë.
Në sfidën e radhës, skuadra kryeqytetase do të udhëtojë drejt Gjirokastrës për t’u përballur me Luftëtarin, ndërsa verilindorët do të presin Kastriotin në shtëpi.