Një aksident automobilistik ka ndodhur mesditën e sotme në zonën e Shkozës në kryeqytet.

Në incidentin e ndodhur janë përfshirë dy automjete, ku njëri prej tyre ka përfunduar në marketin pranë rrugës.
Burime për INTv bëjnë me dije se nga aksidenti nuk ka të lënduar, por vetëm dëme materiale.

Policia ka ardhur menjëherë në vendngjarje për të zbuluar shkaqet e aksidentit si dhe zbardhjen e situatës.

Në këtë pjesë të rrugës, ka ndaluar qarkullimi i mjeteve për disa momente./Intv.al/